|
  გლუკოზა 5%
Glucose 5% საინფუზიო ხსნარი შემადგენლობა: მოქმედი ნივთიერება: 55 გ გლუკოზას მონოჰიდრატი, 50 გ/ 1000 მლ უწყლო გლუკოზას ექვივალენტური. დამხმარე ნივთიერებები: ნატრიუმის ქლორიდი 0.260 გ/ 1000 მლ, საინექციო წყალი 1000 მლ-მდე. წამლის ფორმა: საინფუზიო ხსნარი. ჩვენებები 5% გლუკოზა გამოიყენება როგორც ხსნარი-მატარებელი ელექტროლიტებისა და სამკურნალო საშუალებების შეთავსებადი კონცენტრატებისათვის; იზოტონური და ჰიპერტონული დეჰიდრატაციის, სისხლჩაქცევების, შოკის, ღვიძლის დაავადებების დროს, რომელთა დროსაც ნორმალურად კვება გართულებულია. უკუჩვენებები არ გამოიყენება ჰიპერგლიკემიის, ჰიპერჰიდრატაციის, ჰიპოტონური დეჰიდრატაციის, ჰიპოკალიემიის, მეტაბოლური აციდოზის, მომატებული ნატრიურიის, თირკმელების მძიმე დაზიანების, ანურიის, გლუკოზის აბსორბციის დარღვევის დროს (გლუკოზის მალაბსორბციის სინდრომი). სიფრთხილე გამოყენებისას გლუკოზას გადასხმისას არ უნდა იყოს გამოყენებული ერთი და იგივე საინფუზიო სისტემები სისხლის გადასხმამდე, მის დროს ან მის შემდეგ ფსევდოაგლუტინაციის რისკის გამო. განსაკუთრებული სიფრთხილით ხსნარი გამოყენებული უნდა იყოს პაციენტებში შაქრიანი დიაბეტით , თანაც ხშირად საჭიროა შესაბამის ინსულინის თერაპიაზე გადასვლა, ვინაიდან ჰიპერგლიკემიურმა მოქმედებამ შეიძლება შეცვალოს ინსულინზე მოთხოვნა. მეტაბოლიზმის დარღვევებისას გლუკოზის ამტანობის შეზღუდვით და ჰიპერგლიკემიით გამოიყენება დღე-ღამის შემცირებული მაქსიმალური დოზები, გადასხმის მოცულობა და სიჩქარე. პრეპარატი სიფრთხილით გამოიყენება პაციენტებში ჰიპონატრიემიით და მძიმე არაკომპენსირებული გულის უკმარისობით. გადასხმის მიმდინარეობისას კლინიკური მეთვალყურეობა მოიცავს სისხლში შაქრის, შრატში ელექტროლიტების დონის, წყლის წონასწორობისა და მჟავა-ტუტოვანი წონასწორობის კონტროლს. საჭიროების შემთხვევაში გამოიყენება ელექტროლიტების ხსნარები. ერთ საინფუზიო სისტემაში 5% გლუკოზასთან ერთად დაიშვება მხოლოდ ხსნარების და სხვა სამკურნალო საშუალებების გამოყენება, რომლებიც მას ფიზიკურ-ქიმიურად შეეთავსება. ოსმოთერაპიისათვის ხსნარი გამოუსადეგარია. ურთიერთქმედება სამკურნალო საშუალებებთან სხვა სამკურნალო საშუალებებთან შერევისას შესაძლებელია ფიზიკურ-ქიმიური შეუთავსებლობის გამოვლინებები ხსნარის pH-ის დაბალი მნიშვნელობების გამო (3.5-6.5). განსაკუთრებული მითითებები ორსულობისა და ლაქტაციის დროს პრეპარატის გამოყენება შეიძლება. იგი გავლენას არ ახდენს მანქანის მართვისა და ტექნიკასთან მუშაობის უნარზე. გამოყენების წესი და დოზირება შეჰყავთ ნელი ინტრავენური ინფუზიის სახით ცენტრალური ვენური გზით. ინფუზიის დოზა და სიჩქარე დამოკიდებულია პაციენტის ასაკზე, სხეულის წონასა და კლინიკურ მდგომარეობაზე. მოზრდილებში: • დღე-ღამის რეკომენდებული მაქსიმალური დოზები – 40 მლ/კგ-მდე; • ინფუზიის რეკომენდებული მაქსიმალური სიჩქარე – 5 მლ/კგ/სთ-მდე ≈ 350 მლ/სთ (100 წვეთი წუთში) 70 კგ წონის პაციენტისათვის. ბავშვები: დღე-ღამის რეკომენდებული მაქსიმალური დოზები: • ახალშობილები და 2 წლამდე ასაკის ბავშვები –15 გ/კგ-ზე • 3 – 5 - 12 გ/კგ-მდე • 6 – 10 - 10 გ/კგ-მდე • 10 – 14 - 8 გ/კგ-მდე პაციენტებისათვის მნიშვნელოვნად დაქვეითებული კვების სტატუსით ინფუზიის სიჩქარე შესაბამისად უნდა შემცირდეს. გამოიყენება ფლაკონის გახსნისთანავე, მხოლოდ გამჭვირვალე, ხილული ნაწილაკებისაგან თავისუფალი ხსნარი დაუზიანებელი კოლოფიდან. გამოიყენება საავადმყოფოს გარემოში ექიმის მეთვალყურეობის ქვეშ. განკუთვნილია ერთჯერადი გამოყენებისათვის. ჭარბი დოზა ჭარბმა დოზამ შეიძლება გამოიწვიოს ჰიპერგლიკემია, გლუკოზურია, ჰიპეროსმოლარობა, ჰიპერგლიკემიური და ჰიპეროსმოლარული კომა, ჰიპერჰიდრატაცია და ელექტროლიტური წონასწორობის დარღვევა. ზომები მოიცავს: ინფუზიის დოზისა და სიჩქარის შემცირებას, ასევე საჭიროების შემთხვევაში ინფუზიის შეწყვეტას. საჭიროების შემთხვევაში ინიშნება სიმპტომატური მკურნალობა. გვერდითი ეფექტები ისევე, როგორც ნებისმიერი ხანგრძლივი ინფუზიის დროს, არ შეიძლება გამოირიცხოს ვენის გაღიზიანება და თრომბოფლებიტი შეყვანის ადგილას. შესაძლებელია წყალ-ელექტროლიტური დარღვევების განვითარება, მათ შორის შეშუპება, ჰიპოკალიემია, ჰიპომაგნიემია და ჰიპოფოსფატემია. პაციენტმა ექიმს უნდა შეატყობინოს ინსტრუქციაში აუღწერელი ნებისმიერი გვერდითი ეფექტის შესახებ. შეფუთვა: პოლიპროპილენის ფლაკონები 500 მლ. შენახვა: ტემპერატურაზე არაუმეტეს 25C. შეინახეთ ბავშვებისათვის მიუწვდომელ ადგილას! ვარგისიანობის ვადა: 3 (სამი) წელი. არ გამოიყენოთ შეფუთვაზე მითითებული ვარგისიანობის ვადის ამოწურვის შემდეგ! აფთიაქიდან გაცემის პირობები: სტაციონარებისათვის რეცეპტით. მწარმოებელი ბალკანფარმა – ტროიანი ად, “კრაირეჩნა”-ს ქუჩა #1, 5600 ტროიანი, ბულგარეთი. ანოტაციის მომწოდებელია:   |
|
| გეომაგნიტურობა |
| 2012 (c) tsamali.ge ყველა უფლება დაცულია |
|
დაგვიკავშირდით |
გაფრთხილება!!!
საიტზე არსებული ინფორმაცია არ არის თვითმკურნალობის საფუძველი! ნებისმიერი სამკურნალო საშუალების გამოყენებამდე სასურველია გაიაროთ კონსულტაცია ექიმთან. საიტის ადმინისტრაცია არანაირ პასუხისმგებლობას არ იღებს თქვენს მიერ სამკურნალო საშუალებების გამოყენებაზე.